Бўкалик ёш тадбиркор Шоҳрух Сирожов туман “Ҳомийлик хайрияларини мувофиқлаштириш маркази” орқали ижтимоий ҳимояга муҳтож оилаларга озиқ-овқат маҳсулотларини етказиб берди.

Тошкент вилояти Бўка туманидаги “Бўка иссиқ нон” корхонаси бир кунда 1,5 тонна унни қайта ишлаш қувватига эга. Мазкур корхона раҳбари – ёш тадбиркор Ш.Сирожов “Ёшлар келажагимиз” жамғармаси туман бўлимининг мақсадли кредити асосида иш бошлаганига бир ой бўлди.

Ёш тадбиркор туман маҳалла ва оилани қўллаб-қувватлаш бўлими қошида ташкил этилган “Ҳомийлик хайрияларини мувофиқлаштириш маркази”га бориб, хайрия тадбирларини гигиена ва санитария талабларига риоя қилган ҳолда тарқатилиши, кам таъминланган, эҳтиёжманд оилалар рўйхати билан танишди.

Ёш тадбиркор туманнинг “Бўстон”, “Чўлобод” ва “Бўка” маҳалла фуқаролар йиғинидаги 50 оилага марказ орқали 15 турдаги озиқ-овқат маҳсулотларини етказиб берди.