«Узгидрометтің» хабарлауынша, Өзбекстанда тамыз айы орташа көрсеткіште шілдеге қарағанда төмен яғни 1,5-2,5 градус салқын болады.

Ташкентте шілдеде ауа температурасы ең жоғары деңгейі 44,6 градус (бұл температура 1997 жылы тіркелген), ал тамызда 43,1 градус (1944 ж.) болады. Республиканың оңтүстік шетінде, Термезде шілдеде ең жоғары температура 48,6 градус (1914 ж.), тамызда 46,3 градус (1947 ж.) байқалады.

Орталық аймақтарда 42-43 градусқа дейін, оңтүстікте 45-46 градусқа дейін болған өте жоғары температура көрсеткіштері жыл сайын байқалмайды. Тамыз айында 39-дан 41 градусқа дейін және оңтүстікте 42-43 градус температура 1-3 күн бойы өте жиі байқалады. 

Өзбекстандағы ең құрғақ ай тамыз айы саналады. Тамыз айында жаңбыр өте сирек – облыстың басым бөлігінде орта есеппен 1-ден 3 күнге дейін жауады. Дегенмен, осы құрғақ айда кей жерлерде нөсер жаңбыр жаууы мүмкін.

Биылғы жылдың тамызы салыстырмалы түрде қолайлы температура көрсеткіштерімен басталады деп хабарланды. Айдың алғашқы бес күнінде ауа температурасы күндіз 33-38 градус шамасында болады. Осындай температуралық фон айдың соңына дейін сақталады.

Бұл ретте орталық облыстарда ауа температурасы қысқа мерзімге 40-41 градусқа дейін, оңтүстік пен шөлейтті аймақта (1-2 тәулік) 41-42 градусқа дейін көтерілуі ықтимал.