Сингапурда коронавирус туфайли халқаро конференция бекор қилинди
Хавфсизлик бўйича “Шангри-Ла Диалог“ конференцияси 2002 йилдан буён ҳар йили Сингапурда ўтказиб келинади. 2020 йилги конференцияда дунёнинг 40 дан зиёд давлатлари вакиллари иштирок этиши керак эди, дейилади IISS тарқатган баёнотда.
Халқаро стратегик тадқиқотлар институти (IISS) ҳамда Сингапур ҳукумати Осиё-Тинч океани минтақасида хавфсизлик масалаларига бағишланган халқаро конференциясини чақирмасликка қарор қилди. “Шангри-ла Диалог“ деб аталадиган ушбу халқаро анжуман шу йилнинг июль ойида Сингапурда бўлиб ўтиши керак эди, деб хабар беради мазкур институт.
“COVID-19 глобал пандемияси билан боғлиқ жиддий муаммо сабаб IISS Сингапур ҳукумати билан маслаҳатлашган ҳолда “Шангри-Ла Диалог“ анжуманини 2020 йилда чақирмасликка қарор қилди“, — дейилади мазкур баёнотда.
Институтнинг маълум қилишича, конференцияни 2021 йилда ўтказишга тайёргарлик ишлари яқин вақтларда бошланиши керак.
Хавфсизлик бўйича “Шангри-Ла Диалог“ конференцияси 2002 йилдан буён ҳар йили Сингапурда ўтказиб келинади. 2020 йилги конференцияда дунёнинг 40 дан зиёд давлатлари вакиллари иштирок этиши керак эди, дейилади IISS тарқатган баёнотда.