Joriy yilning 30 noyabr kuni Andijonda Markaziy Osiyo yurish va yugurish akademiyasi tomonidan tashkil etilgan “Silk Road” II xalqaro ommaviy yugurish musobaqasi bo‘lib o‘tadi. Unda 2 ming nafarga yaqin mahalliy va xorijiy yugurish klublari vakillari, professional sportchilar, diplomatlar, talabalar, maktab o‘quvchilari va viloyat aholisi ishtirok etishi kutilmoqda.

Andijonda bo‘lib o‘tadigan mazkur nufuzli sport tadbiri Zahiriddin Muhammad Bobur nomidagi bog‘ majmuasidan boshlanib, shahar markaziga qadar davom etadi.

“Silk Road – Andijan” dasturida 5 km. va 10 km. masofalar, yarim marafon (21 km) hamda “Kids Run” bolalar ommaviy yugurish musobaqasi o‘tkazilishi rejalashtirilgan.

Javohir Toshxo‘jayev, O‘zA