Наманган вилояти Уйчи тумани Файзиобод маҳалласи ҳудудида барпо этилаётган 27-сонли умумтаълим мактаби биносида Қурилиш ва уй-жой коммунал хўжалиги соҳасида назорат қилиш инспекцияси ходимлари томонидан назорат ўтказилди.

Тадбир давомида мазкур бинонинг иккинчи қаватида сифатсиз темир-бетон плиталардан фойдаланилганлиги аниқланди. Шунингдек, объектда эшик ва дераза перемичкаларига қуйилган цементли қоришмалар зичланмаган. Бунинг оқибатида эса, бетон юзаларида ғоваклар юзага келган. Қолаверса, ўрганишлар давомида ишчилар махсус кийим-бош билан таъминланмаганлиги ҳам қайд этилди.

Жойида инспекция аралашуви билан сифатсиз темир-бетон плиталар буздирилди ва объектдан чиқариш юзасидан ҳамда перемичкаларни буздириш бўйича ёзма кўрсатмалар берилди.

Оқилхон Дадабоев, ЎзА.