Андижон вилояти божхона бошқармаси томонидан ҳуқуқни муҳофаза қилувчи идоралар ходимлари билан ҳамкорликда ўтказилган тезкор тадбир чоғида қўшни республикадан мамлакатимизга олиб кирилган дорилар ушлаб қолинди.

Гап шундаки, фуқаро Т.Н. бошқарувидаги “Нексия” русумли автомашина Марҳамат туманидаги чегара ҳудудида ҳаракатланаётган вақтида тўхтатилиб текширилганда машина юкхонасида фуқаро Э.Б.га тегишли, қўшни давлатдан ноқонуний олиб кирилган 1440 қути “Дюфастон 10 мг” дори борлиги аниқланган.

Хорижда ишлаб чиқарилган ушбу дориларнинг умумий қиймати 194 миллион 400 сўмлик, дея баҳоланмоқда. Ҳозирда мазкур ҳолат юзасидан суриштирув ҳаракатлари давом этмоқда.