Австралияда даҳшатли воқеа содир бўлди. Гап шундаки, Сиднейдаги пляжлардан бирида юз берган отишмада ўн киши ҳалок бўлган. Маҳаллий ОАВ тарқатган хабарларга кўра, отишма содир этганлардан бири деб тахмин қилинган бир киши ва яна 11 киши, жумладан, икки полиция ходими жароҳат олган.

Ҳужум эҳтимол, яҳудийларнинг Ҳанукка байрамини нишонлаш тадбирига қаратилган бўлиши мумкин.  Полиция манбаларининг фикрича, жиноят бир неча ой давомида режалаштирилган.

Дастлабки маълумотларга кўра, бир гумондор шахс отиб ўлдирилган, яна бири яраланган ва ҳибсга олинган. Шу билан бирга, “9News” учинчиси таслим бўлганини ёзиб чиқди.

Ижтимоий тармоқлардаги хабарларга кўра, отишмачилардан бири орқасидан ҳужум қилган йўловчи томонидан қуролсизлантирилган. Эркак қуролли шахсдан милтиқни тортиб олишга муваффақ бўлган.

Г.Сатторова, ЎзА