Сицилияның шығыс жағалауында орналасқан Еуропадағы ең жоғары саналатын Этна жанартауы қайта оянды.

Euronews мәліметінше, жанартау атқылауына байланысты Италиядағы Катания халықаралық әуежайы ұшу санын сағатына алтыға дейін шектеп, кейбірін Сицилиядағы басқа әуежайларға бағыттады.

Жанартау атқылауынан ең көп зардап шеккен Гиарре қаласының мэрі апаттардың алдын алу үшін тіпті жолдардағы көліктердің жылдамдығын төмендетуді бұйырған.

Этна – Еуропадағы ең жиі атқылайтын жанартау. Оның биіктігі әрбір атқылау кезінде өзгеріп тұрады. Қазір Этна 1865 жылғы деңгейден 22 м төмен. Қазір оның биіктігі шамамен 3329 метрді құраса, жасы 350 мың жылдан асады.

Интернеттегі БАҚ дерегіне сәйкес, Этнада бірнеше жүздеген жанартау кратері бар, орта есеппен үш айда бір рет лава кез келген кратерден атқылап тұрады.