Chorshanba kuni XXR raisi Si Szinpin Janubiy Koreya Prezidenti Yun Sok Yol bilan mamlakatlar o‘rtasida diplomatik munosabatlar o‘rnatilganining 30 yilligi munosabati bilan tabrik maktublari almashdi va Seul bilan strategik hamkorlikni mustahkamlashga tayyorligini bildirdi, deb xabar berdi Xitoy markaziy televideniyesi.

“Men Xitoy va Janubiy Koreya o‘rtasidagi munosabatlarni rivojlantirishga katta ahamiyat beraman va Prezident Yun Sok Yol bilan birgalikda strategik hamkorligimizni mustahkamlashga tayyorman”, – dedi Si Szinpin televideniye orqali. 
 
"Endi dunyo beqarorlik va o‘zgarishlarning yangi davriga kirdi, bu yerda asrlar davomidagi o‘zgarishlar epidemiya bilan chambarchas bog‘liq. Hozirgi muhim daqiqada xalqaro hamjamiyat, jumladan, Xitoy va Janubiy Koreya inqiroz va qiyinchiliklarni faqat birdamlik hamda hamkorlik orqali yengib o‘tishi mumkin ", – dedi Si Szinpin. 

Shuningdek, u Xitoy va Janubiy Koreya yaxshi qo‘shni, yaxshi do‘st va hamkor bo‘lishi kerakligini qo‘shimcha qildi.