23 ноябрь куни Хитойнинг Цзецзян провинцияси Вузҳен шаҳрида Жаҳон интернет конференцияси ва интернетни ривожлантириш форуми иш бошлади.

ХХР Раиси Си Цзиньпин форум иштирокчиларига табрик йўллади. Бу ҳақда Синьхуа ахборот агентлиги хабар берди.

ХХР Раисининг таъкидлашича, бугун жаҳондаги технологик инқилоб ва саноат трансформациясининг янги босқичи рақамли технологияларнинг жадал ривожланишига туртки бермоқда. Янги тож пневмонияси эпидемияси бошланганидан бери телемедицина, онлайн таълим, алмашинув платформалари ва ҳамкорликдаги офис усуллари кенг қўлланилди. Интернет турли мамлакатларда иқтисодий тикланишни тезлаштирди, ижтимоий операцияларни таъминлаш ҳамда глобал пандемияга қарши ҳамкорликни ривожлантиришда муҳим роль ўйнади.

Си Цзиньпиннинг қайд этишича, Хитой бошқа мамлакатлар билан ахборот инқилобининг тарихий имкониятларидан фойдаланиб янгилик ва тараққиётнинг илғор драйверларини ривожлантириш, рақамли ҳамкорликда янги муҳит барпо этиш, киберхавфсизликнинг янги намунасини ҳамда инсоният учун фаровон келажакни яратишда биргаликда ишлашга тайёр.

Шоҳида Жалилова