Швейцария соғыста жараланған украиндық сарбаздарды емдеуден бас тартты.

Swiss Info басылымының хабарлауынша, бұл жағдайға елдің бейтарап ұстанымда болғандығы себеп ретінде айтылған.

Украина әскеріне көмек көрсету туралы өтінішті НАТО бөлімшесі – Еуроатлантикалық апаттарға әрекет етуді үйлестіру орталығы жасады. Бұл құрылымның мамандары халықаралық деңгейде жараланған украиндықтарды эвакуациялаумен айналысады.

НАТО-ның өтінішін Швейцарияның Медициналық қызметі, Қоғамдық денсаулық сақтау федералды басқармасы және Федералдық Сыртқы істер департаменті қарады. Швейцария шенеуніктері тергеу жүргізді, бірақ үш аптадан кейін НАТО-ның өтінішін «заңды және практикалық себептермен» қабылдамады. Ресми Берн жараланған украиндық сарбаздарды емдеу «бейтарап мемлекет мәртебесіне қайшы келеді» деп санайды.

Дегенмен Швейцария Украинаға гуманитарлық көмек көрсетуді жалғастыратынын мәлімдеген.