Швейцария Ресейге қарсы санкцияларды кеңейтетінін жариялады, оның ішінде тізімде тағы 69 жеке және 47 заңды тұлға бар.

«Санкцияларға жауапты Федералдық экономика, білім және ғылым министрлігі 2024 жыл 8 шілдеде Ресейге қарсы санкциялар тізімін кеңейтті. Министрлік өз өкілеттіктеріне сәйкес, 2024 жыл 8 шілдеде Швейцария тағы 69 адамға және 47 компания мен ұйымдарға қарсы санкцияларын енгізді», - делінген Швейцария үкіметінің мәлімдемесінде.

Жеке және заңды тұлғалардың нақты тізімі көрсетілмеген, бірақ оның құрамында негізінен кәсіпкерлер, БАҚ өкілдері, қарулы күштер мен сот қызметкерлері бар екені хабарланды. Осы арқылы Швейцарияның ЕО бұған дейін қабылдаған санкцияларына қосылатыны хабарланған.