Швед компаниясы адам терісінің астына имплантациялауға болатын коронавирусқа қарсы вакцинация сертификаты бар микрочиптерді жасап шығарды.

«Известия» басылымының хабарлауынша, бұл технология қауіпсіз және қажет кезде чиптерді алып тастауға болады. Чипке вакцинация туралы куәліктен басқа, келісімшарттар, ай сайынғы жол жүру билеті, спортзалға жазылулар және басқа да қажетті құжаттарды сақтауға болады.

Қазіргі уақытта Швецияда 6 мыңға жуық адам өз терісінің астына осындай чиптерді орнатқан.

Имплант NFC (Near Field Communications) чипінен тұрады. Мұндай чиптердегі ақпаратты сандық деректерді оқи алатын кез келген құрылғы, мысалы, NFC қолдайтын смартфон оқи алады.