Швеция ташқи ишлар вазири НАТОга аъзолик аризасини имзолади
Швеция ташқи ишлар вазири Анн Линде бугун мамлакатнинг Шимолий Атлантика альянсига кириши ҳақидаги аризани имзолади.
Бу ҳақда “ТАСС” хабар бермоқда.
Мурожаатни кўриб чиқиш ва ратификация қилиш тахминан бир йил давом этиши кутилмоқда.
Эслатиб ўтамиз, 15 май куни мамлакатнинг ҳукмрон социал-демократик партияси ҳам альянсга қўшилиш аризасини қўллаб-қувватлаган эди.
Мамлакат расмийларининг фикрича, НАТОга қўшилиш Швеция ва унинг халқи хавфсизлиги учун ижобий оқибатларга олиб келади.
Бундан ташқари, 15 май куни қўшни Финляндия ҳам Шимолий Атлантика альянсига қўшилиш қарорини расман эълон қилганди.