Аты аңызға айналған пилот Михаэль Шумахер 2001 жылғы «Формула-1» жарыстарында басқарған Ferrari болиді RM Sotheby’s аукционында 18,17 миллион долларға сатылды, деп хабарлайды The New York Times.

Шумахер осы көлікпен Монако және Венгрия Гран-прилерінде жеңіске жетіп, 2001 жылы әлем чемпионы атанған болатын.

Бұл көлік аңызға айналған неміс спортшысы тізгіндеген «Формула-1» машиналары арасынан аукционда сатылған ең қымбат болид ретінде тарихқа енді.

Михаэль Шумахер — «Формула-1» жарыстарының 7 дүркін чемпионы және аталмыш спорт түрінің ең үздік жарысушыларының бірі саналады.

Ол 2013 жылы спорттық мансабын аяқтағаннан кейін Альпі тауларында шаңғы тебу кезінде басынан ауыр жарақат алған. Қазір 56 жастағы бұрынғы спортшының отбасасы оның денсаулығы туралы мәліметтерді құпия ұстап келеді.