Qarshi shahridagi Yoshlar markazi binosida O‘zbek estradasining xushovoz xonandasi Shuhrat Daryo hamda O‘zbekiston Yozuvchilar uyushmasi a’zosi Shuhrat Orif bilan ijodiy uchrashuv bo‘lib o‘tdi.

  Qashqadaryo viloyati hokimligi, Yoshlar ishlari agentligi va O‘zbekiston Yozuvchilar uyushmasi, www.shom.uz sayti hamkorligida tashkil etilgan tadbirda sohir ovoz sohibi Shuhrat Daryo tomonidan ko‘ngilga yaqin qo‘shiqlar kuylangan bo‘lsa, Shuhrat Orifning o‘z ijod namunalaridan aytgan she’rlari esa yig‘ilgan yoshlarning qalbidan joy oldi.

 Ijodkorlarga Qashqadaryo viloyati hokimi Murodjon Azimovning tabrigi o‘qib eshittirildi.

 Tadbirda O‘zbekiston Yozuvchilar uyushmasi a’zolari Bobur Elmurod, Javlon Jovliyev va boshqa ijodkorlar so‘zga chiqib, ijod namunalaridan o‘qib berdi.

O‘z navbatida ijodiy uchrashuv samimiy suhbat va ochiq muloqotga aylandi.  

Yoshlar esa ijodkorlardan o‘zlarini qiziqtirgan qator savollarga javoblar olishdi.

O‘zbekiston Yozuvchilar uyushmasi  

axborot xizmati