Шуҳрат Ғаниев: пора олганимда шунча муддат вилоят ҳокими бўлиб ишламас эдим
– Обуна даври арафасида вилоят ҳокимлигига марказий газета ва журналлардан жуда кўплаб хатлар келади, – деди Фарғона вилояти ҳокими Шуҳрат Ғаниев матбуот анжуманида.
– Обуна даври арафасида вилоят ҳокимлигига марказий газета ва журналлардан жуда кўплаб хатлар келади, – деди Фарғона вилояти ҳокими Шуҳрат Ғаниев матбуот анжуманида. – Албатта, уларнинг барчаси ёрдам беришни сўрайди. Мен умуман мажбурий обунага қаршиман. Биз маҳаллий ҳокимликларга, ташкилот ва корхоналарга тавсия беришимиз мумкин. Шуни алоҳида таъкидлашни истардимки, биз тарғибот ишларида матбуот вакилларига доимо кўмак бериш ва ҳамкорлик қилишга тайёрмиз. Агар газетада таҳлилий мақолалар кўп бўлса, ўқувчиси ҳам кўп бўлади. Ўзи ихтиёрий обуна бўлади.
Шунингдек, вилоят раҳбарига пора таклиф қилиш билан боғлиқ савол ҳам бўлди.
– Агар мен пора олганимда шунча муддат вилоят раҳбари бўлиб ишламас эдим. Хулоса ўзингиздан.