Шри-Ланканың Орталық провинциясындағы Котмале ауданында орын алған ірі жол апаты салдарынан кемінде 21 адам қаза тауып, 35-тен астам адам жарақат алды.

Adaderana порталының хабарлауынша, қайғылы оқиға Катарагама қажылық мекенінен Курунегалаға бағыт алған Шри-Ланка Транспорт кеңесіне қарасты автобус шамамен 100 метрлік жардан құлап кеткеннен кейін орын алған. 

Жарақат алғандар Нувара-Элия мен Котмаледегі ауруханаларға жеткізілген.

Қаза тапқандардың жеке басы әзірге анықталған жоқ. Оқиға бойынша тергеу жұмыстары жүргізілуде.