Шри-Ланка Қаржы министрлігі сыртқы қарыздың бір бөлігі бойынша төлемдерді тоқтатты және инвесторларға дефолт туралы ескертті.

Bloomberg-тің хабарлауынша, аралды мемлекет тәуелсіздік алғаннан бергі ең ауыр экономикалық дағдарысты бастан өткеруде. Елде электр қуаты тұрақты түрде үзіліп, азық-түлік пен жанармайдың қатты тапшылығы байқалуда.

«Үкімет елдің қаржылық жағдайының одан әрі нашарлауына жол бермеу үшін соңғы шара ретінде ғана төтенше шараларды қабылдауда», - делінген үкімет мәлімдемесінде.

Үкімет Халықаралық валюта қорының (ХВҚ) көмегімен экономиканы қалпына келтіру бағдарламасын күту үшін барлық кредиторлар үшін тең құқықтарды қамтамасыз ету үшін дер кезінде дефолт қажет, деген қорытынды жасаған. Дағдарыс қазірдің өзінде Шри-Ланканың бүкіл халқы үшін күрделі проблемаларға әкеліп соқтыруда және үкіметке қарсы наразылықтар тудыруда.

10 сәуірде депозиттер (13,5 пайыз) мен несиелер бойынша (14,5 пайыз) пайыздық мөлшерлемені көтерген Шри-Ланка Орталық банкі алдағы үш айда инфляцияны тоқтату мүмкін емес деп мәлімдеген.