Шри-Ланка парламентининг бош котиби Дхаммика Дассанаяке 16 июль куни депутатларга мамлакат раҳбари Готабаи Раджапакса истеъфо берганидан кейин ушбу лавозим бўш турганини расман эълон қилиб, президентликка номзодлар 19 июлда кўрсатилиши кераклигини таъкидлади.

Бу ҳақда оролда фаолият юритаётан  Ada Derana янгиликлар портали хабар тарқатди, деб ёзмоқда  ТАСС агентлиги. 

Кутилишича, номзод бир кишидан кўп бўлиши мумкин. 20 июлда парламентда ушбу орол давлатининг йўлбошчисини сайлаб олиш учун депутатлар орасида овоз бериш бўлиб ўтади. Шу йўл билан сайланган президент истеъфога чиққан президентнинг ваколати тугагунича, яъни 2024 йил ноябргача давлатнинг олий лавозимини эгаллаб туради. 

Ҳозирда Шри-Ланка президенти  лавозимини вақтинчалик бош вазир Ранил Викрамасингхе эгаллаб турибди, қолаверса, у президентлик лавозимига даъвогарлардан бири ҳисобланади.