“Анадолу” хабар беришича, Шотландия бош вазири Ҳамза Юсуф Британия ҳукуматининг Ғазо секторида зудлик билан ўт очишни тўхтатиш ҳақидаги чақириқларни бир неча бор рад этганини “шармандалик” деб айтди. У Буюк Британияни “Исроилни жавобгарликка тортишга” чақирди.

Мулозим Британия ҳукуматини “Исроилнинг Ғазо секторида минглаб болаларнинг ўлимига сабаб бўлган аёвсиз ҳужумларини тўхтатишни талаб қилиш учун” ўз позициясидан фойдаланишга даъват қилди ва тинч аҳолининг ўлимига сабаб бўлганларнинг жавобгарликка тортилиши кераклигини таъкидлади. 

У Исроилнинг Ғазо секторига ҳужумлари бошланганига 10 ҳафта ўтганини эслатиб, дипломатик ёндашувлар ҳали минтақадаги гуманитар инқирозни ўзгартира олмаганига куюнди.