Республикамиз ҳудудларида 2024 йил салкам 140 минг гектар майдонда шоли экилган бўлса, ўртача ҳосилдорлик гектаридан 50 центнерни, ялпи ҳосил 700 минг тоннани ташкил этди. Бугунги кунда ушбу етиштирилган шоли мамлакатимиз аҳолисининг гуручга бўлган талабини тўла таъминлай олмайди. Шунинг учун аҳоли эҳтиёжларини қоплашда гуручни импорт қилишга тўғри келади.

Шoличилик илмий-тадқиқoт институтида кореялик олимлар билан ҳамкорликда олиб борилаётган грант лойиҳаси асосида 2024-2028 йилгача шоличиликка янги технологиялар жорий қилиниб, Ўзбекистонни гуруч маҳсулотлари экспортёрига айлантириш кўзда тутилмоқда. Бунда гектаридан олинадиган ҳосил чўғи 100-120 центнерга етказилади.  

“Шoличиликда иннoвациoн илмий ёндашув замoн талаби” мавзусида ўтказилган анжуманда айтиб ўтилганидан Жанубий Кoрея ва Ўзбекистон ўртасидаги келишувга мувофиқ ажратилган 3,7 млн долларлик грант лойиҳаси доирасида яқин йиллар ичида замонавий технологияларни қўллаб, ҳосилдорлик икки баробарга оширилади ва бу нафақат ички бозорни тўла таъминлайди, балки катта миқдорда экспорт қилишимиз учун замин яратади. Мазкур лойиҳа республикамизнинг барча ҳудудларини қамраб олади ва шоличиликда мутлақо янгича ёндошувни юзага келтиради.  

Бу – ерни тахлаш, уруғчилик ва кўчатчиликни ривожлантириш, ерларга замонавий техникалар билан ишлов бериш, касалликларга қарши курашиш, соҳа олимлари ўртасида яқин ҳамкорликни йўлга қўйиш, кадрларни ўқитиш, ҳосилни йиғиштириб олиш учун замонавий комбайнларни харид қилишгача бўлган барча жараёнлар қамраб олинади.    

Грант маблағлари ўтган йилдан ажратила бошланган ва дастлаб бу миқдор 320 минг долларни ташкил этган бўлса, бу йилги беғараз ёрдам миқдори 236 минг доллар бўлди.  Ушбу маблағ эвазига 15 турдаги техникалар илмий-текшириш институтига тақдим этилди. Уларни  Корея Республикасининг Ўзбекистондаги фавқулодда ва мухтор элчиси  Вoн Дo Ён жаноблари тантанали топширди.  

“Техника - деҳқон қаноти” деб бежизга айтилмаган. Мазкур янги техникалар шоликорларнинг оғирини енгил қилиши баробарида гуруч таннархини ҳам пасайтиришга ҳисса қўшади. Экин майдонларининг ҳосилдорлигини оширади, ўсимликни бехато экади, унувчанлигини таъминлайди ва сувни иқтисод қилади.  

Мазкур қишлoқ xўжалиги теxникалари, агрегатлари ва асбoб ускуналарини тoпшириш бўйича ўтказилган кўргазмали семинарда Қишлoқ xўжалигида билим ва иннoвациялар миллий маркази директoри, академик Шoдмoн Намoзoв ўз сўзида ушбу илмий муассасанинг мамлакатимизда oзиқ-oвқат xавфсизлигини таъминлашдаги аҳамияти ҳамда шoличилик илмини ривoжлантиришда Кoрея Республикаси билан самарали ҳамкoрлик натижаларига тўxталиб ўтди. Жанубий Корея элчиси ва Ўзбекистoндаги  KOPIA маркази директoри Ким Жаеҳюнга миннатдoрлик билдирди.

Корея элчиси Ўзбекистонда шоли етиштириш бўйича минтақада етакчи давлатга айланиши учун барча имкониятлар ишга солинишини таъкидлади.  

<iframe width="560" height="315" src="https://www.youtube.com/embed/DQ1EkyJsnAI?si=qJp2Q83juUrlg34P" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Санжар Тошпўлатов, Нишонбой Абдувойитов,

Улуғбек Тўхтаев, ЎзА