Shohrux Mamedov va Uchqun Quronboyev ishtirokini g‘alaba bilan boshladi
Fransiyada o‘tayotgan Paralimpiya o‘yinlarining para dzyudo bo‘yicha erkaklar o‘rtasida J1 klassida -73 kg vazn toifasida yurtimiz sharafini himoya qilayotgan Shohrux Mamedov dastlabki bosqichda qirg‘izistonlik Mamatibraim Suranovga qarshi kurashdi va 10:1 hisobida g‘alaba qozondi.
Shuningdek, erkaklar o‘rtasida J2 klassida -73 kg vazn toifasida bahslarga kirishgan hamyurtimiz Uchqun Quronboyev esa Germaniya vakili Nikolay Kornxassni 10:0 hisobida yengdi va navbatdagi bosqichga yo‘l oldi.
Endi Shohrux Mamedov chorak finalda ruminiyalik Florian Bologaga qarshi, Uchqun Quronboyev esa fransiyalik Natan Petitga qarshi bahs olib boradi.
Javohir Toshxo‘jayev,
O‘zA