ФОТОРЕПОРТАЖ

Мамлакатимизда ишсиз ёшлар ва хотин-қизлар бандлигини таъминлаш масаласи давлат сиёсати даражасига кўтарилган. 

Уларни касб-ҳунарга ўқитиш, тадбиркорликка йўналтириш, бизнесни йўлга қўйишида молиявий қўллаб-қувватлаш устувор вазифалардан.

Уларни касб-ҳунарга ўқитиш, тадбиркорликка йўналтириш, бизнесни йўлга қўйишида молиявий қўллаб-қувватлаш устувор вазифалардан.

Наманган вилоятида ҳам  хотин-қизлар бандлигини таъминлаш борасида қатор чора-тадбирлар амалга оширилмоқда. Хусусан, Поп тумани Анҳор маҳалласи ҳудудида иш бошлаган “Shofirkon ekvatorial teks” масъулияти чекланган жамиятининг 1200 ўринли тикувчилик корхонаси биринчи босқичда 721 кишининг бандлигини таъминлади.
Собиқ “Узрубероид” МЧЖнинг бўш турган биноси ўрнида барпо этилган лойиҳанинг умумий қиймати 85 миллиард сўмни ташкил этди. Бу ерда бир неча турдаги кийим-кечаклар ва трикотаж маҳсулотлари ишлаб чиқарилади. Тикув ускуналари ва бошқа жиҳозлар Япония, Туркия, Италия ва Хитой давлатларидан келтирилган. Тикувчилик тармоғи тўла қувват билан ишлай бошлагач, тумандаги “Ёшлар дафтари” ҳамда “Аёллар дафтари”га киритилган жами 1200 нафар хотин-қиз доимий иш ўрнига эга бўлади.

[gallery-5808]

Ҳотам МАМАДАЛИЕВ (сурат) ЎзА