Өзбекстан Аралас жекпе-жек өнері қауымдастығының кезектен тыс сайлау конференциясы өтті. Жиынға Ішкі істер министрлігі, Спорт министрлігі, Ұлттық Олимпиада комитеті басшылары мен сала мамандары қатысты.

Конференция барысында қауымдастық басшылығы қайта жасақталып, алдағы уақытқа арналған басым жоспарлар талқыланды. Ішкі істер министрі, генерал-лейтенант Азиз Тошпулатовтың ел волейбол федерациясын басқарудағы табысты қызметі ескеріліп, оның кандидатурасы Аралас жекпе-жек өнері қауымдастығы төрағалығына ұсынылды. Қатысушылар бұл ұсынысты бірауыздан қолдап, Азиз Тошпулатов ресми түрде қауымдастық төрағасы болып сайланды.

Сонымен қатар қауымдастық төрағасының орынбасарлары, бас хатшы және атқарушы директорлары да сайланып, ұйымның жаңа басшылық құрамы толық жасақталды.