Самарқанд шаҳри бугун улкан бунёдкорлик марказига айланди, десак муболаға бўлмайди.

Юртимизнинг барча ҳудудлари каби кўплаб турар-жой бинолари қурилиши билан бирга янгидан яхлит массивларнинг барпо этилаётганлиги Самарқанднинг халқаро майдондаги нуфузини янада ортишини таъминламоқда. Биргина Буюк Ипак йўли халқаро туризм марказининг бунёд этилиши кўҳна кентнинг халқаро анжуманлар марказига айлантирди. Шу боис, бугун Қорадарё бўйида барпо этилаётган “Ширин” ишбилармонлик марказининг қурилиши кўплаб ишбилармонларнинг диққат марказида бўлиб турибди. 

[gallery-25786]

665 гектар майдонни эгаллаган бу ҳудуд турар-жойлар, маъмурий ва бизнес марказлари, таълим, тиббиёт муассасалари, кўнгилочар масканлар, шунингдек, замонавий транспорт ҳамда муҳандислик коммуникацияларини ўз ичига оладиган марказ Самарқанд шаҳридан узилиб қолган. Марказнинг бунёдкорлик ишлари шаҳар билан боғловчи янги кўприк қурилишидан бошланди. Айни пайтда юқори суръатларда давом этаётган кўприк қурилиши Самарқанд минтақавий йўлларга буюртмачи хизмати давлат муассасаси буюртмаси асосида "Кўприкқурилиш" акциядорлик жамияти томонидан бажарилмоқда. Лойиҳа қиймати 266 миллиард сўм бўлган кўприкнинг узунлиги 295 метрни ташкил этади. Кўприк 2026 йилда фойдаланишга топшириш режалаштирилган. 

<iframe width="560" height="315" src="https://www.youtube.com/embed/EdXWpDBf3g8?si=c17fE3IsaeVFLug_" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Алишер ИСРОИЛОВ(сурат,видео),ЎзА