Janubiy Koreyaning Yonhap axborot agentligi xabariga koʻra, BMTning Oziq ovqat va qishloq xoʻjaligi tashkiloti maʼruzasida taqchillikning oʻtgan yilga nisbatan ortishi tufayli vaziyat yomonlashib borayotgani qayd etilgan. Agrosanoat kompleksi ish tizimidagi kamchiliklar, ob-havo noqulayligi, qishloq xoʻjaligida yoqilgʻi yetishmasligi kabilar bunga sabab sifatida koʻrsatilgan. Shimoliy Koreya xalqaro insonparvarlik koʻmagiga muhtoj, deyiladi maʼruzada.