Sun’iy yo‘ldoshdan olingan yangi suratlar Shimoliy Koreyaning eng ulkan harbiy kemasi qanday ko‘rinishda ekanini ko‘rsatdi. Bu yetakchi Kim Chen Inning dengiz flotidan ikki barobar kattaroq bo‘lishi mumkin.

Tasvirda KXDR g‘arbiy qirg‘og‘ida, poytaxt Pxenyandan taxminan 60 kilometr janubi-g‘arbda joylashgan Nampo kemasozlik zavodida, suvda qurilayotgan kema aks etgan.

Tahlilchilar ta’kidlashicha, ushbu noyob texnika vositasi quruqlik va dengizdagi nishonga qarshi foydalanish uchun tik uchish quvurida raketa tashishga mo‘ljallangan, boshqariladigan raketa fregati shaklini oladi.

Uzunligi taxminan 140 metr (459 fut)lik qurilma mamlakatda ishlab chiqarilgan eng yirik harbiy kemaga aylanadi. AQSH Harbiy-dengiz kuchlari “Arleigh Burke” toifali kemalari uzunligi taxminan 505 fut, “Constellation” fregatlari bo‘yi esa 496 fut.

Ma’lumki, Kim Chen In rejimi Qurolli kuchlarini jadal takomillashtirish, qator yangi qurollar ishlab chiqish, Qo‘shma Shtatlarning har qanday nuqtasiga yetib bora oladigan qit’alararo ballistik raketani sinovdan o‘tkazish bilan shug‘ullanib keladi.

Musulmon Ziyo, O‘zA