Tyanszindagi sammit SHHT tarixidagi eng  yirik tadbirlardan biri hisoblanadi. Sammit davomida SHHTga a’zo davlatlar tashkilotining kelgusi o‘n yillikka rivojlanish strategiyasini o‘z ichiga olgan muhim hujjatlarni qabul qilinishi kutilmoqda. Xitoy Xalq respublikasi  Raisi  Si Szinpin ikkinchi bor sammitda raislik qilmoqda. Tadbirda  20 dan ortiq davlat rahbari va 10 xalqaro tashkilot ishtirok vakillari etmoqda.

Qayd etish lozimki, joriy yil 31 avgust kuni Tyanszin shahridagi "Meyszyan" kongress markazida Shanxay hamkorlik tashkiloti sammitining norasmiy tadbirlari bo‘lib o‘tdi.

Bugunga qadar Si Szinpin va  sammit doirasida Tyanszinga  tashrif buyurgan xorijiy rahbarlar o‘rtasida o‘ndan ortiq ikki tomonlama uchrashuvlar o‘tkazildi.

Sammit boshlanishi arafasida Tyanszin shahrida zamonaviy matbuot markazida dunyoning turli davlatlaridan kelgan ommaviy axborot vositalari vakillari  yig‘ilgan va ish jarayoniga tayyorgarlik ko‘rmoqda.

Press-konferensiyalar uchun ikki zal ajratilgan. Xususan, birinchi zal 500 kishiga mo‘ljallangan, ikkinchi zal 240 kishiga mo‘ljallangan. Har bir zalda  VIP xona, asosiy vizual tasvirli banner, dekoratsiya va professional jihozlar  mavjud.

Muhayyo Toshqorayeva, O‘zA

Xitoy, Tyanszin