Әлішер Науаи атындағы Ташкент мемлекеттік өзбек тілі мен әдебиеті университетінің жанындағы «Өзбек мектебі» «Шетелдіктерге арналған өзбек тілі» оқулығын (А2 деңгейі үшін) жасады.

Кітап өзбек тілінде бастауыш білімге ие жандарға арналған. Бұл оқулық А1 деңгейіне арналған оқулықтың жалғасы ретінде төрт тілдік дағдыларға (сөйлеу, жазу, оқу, тыңдау) негізделген А2 деңгейіндегі білім беруге арналған.

Оқулықтың жоғары сапасы мен практикалық құндылығын арттыру үшін аудио және бейне материалдар енгізілген. Сонымен қатар тіл үйренушіге өзбек мәдениетіне қатысты сөздер мен сөйлесудегі тіркестер таныстырылады. 

Бұл оқу құралының осы бағытта жасалған өзбек тіліндегі қолданыстағы оқу құралдарынан айырмашылығы, ағылшын тілінде нұсқаулықтар мен түсініктемелер беру, әр сабақта қолданылатын сөздердің ағылшын, француз, корей, түрік, орыс тілдеріндегі аудармасы берілген.

Әр тақырыптың соңында берілген түрлі тапсырмалар, QR кодта көрсетілген бейнероликтер, аудиолар оқушыны ойлауға, сөйлеуге бейімдеуге қызмет етеді, сөздік материалдары сөздік қорын одан әрі байытады.

Жоғары білім, ғылым және инновациялар министрлігінің хабарлауынша, бұл оқулықтардың көмегімен шетелдіктер өзбек тілін бастауыш деңгейде өз бетінше немесе мұғалімнің көмегімен оңай меңгере алады.