Өзбекстан Республикасы ІІМ мен ҰҚК қызметкерлері бірлесіп жүргізген жедел тергеу нәтижесінде шетелдегі халықаралық террорлық ұйымға қосылуды көздеген азаматтар ұсталды.

ІІМ ақпарат қызметінің мәліметінше, 2007 жылы Ташкент облысында дүниеге келген К.И. интернет желісі арқылы экстремистік көзқарастар тұзағына түсіп, оған оның 16 танысы қосылып, заңсыз «топ» құрған.

Олар шетелде әрекет ететін «Ислам мемлекеті» халықаралық террорлық ұйымына қосылуды жоспарлағаны белгілі болды.

Қазіргі таңда бұл факті бойынша Өзбекстан Республикасы Қылмыстық кодексінің тиісті бабына сәйкес қылмыстық іс қозғалды. ІІМ азаматтарды интернет желісі арқылы жат идеялардың ықпалына түспеу үшін әрқашан сақ болуға шақырып, ел ішіндегі қауіпсіздікті сақтау қажеттігін ескертті.