Өзбекстан азаматтары шетелде қаражатсыз қалған жағдайда қаржылай көмек көрсетіледі.

Үкімет «Өзбекстан азаматтарына шетелде қаражатсыз қалған жағдайда қаржылық көмек көрсету тәртібі туралы» қаулыны бекітті. 

Жарғыға сәйкес, консулдық округ аумағына уақытша кірген азамат күн көріс үшін қаражатсыз қалған кезде мекемеден қаржылай көмек сұрай алады. 

Атаулы мекеме азаматтан өтінішті және басқа құжаттарды 2 жұмыс күні ішінде қабылдайды, өтініште көрсетілген негіздердің дұрыстығын тексеріп оның шетелде болу шарттарын анықтайды (сапардың мақсаты, виза, тұру шарттары).

Құжаттарды зерделеу негізінде қаржылық көмек көрсетудің орындылығы туралы қорытынды дайындайды және оны Сыртқы істер министрлігіне келісуге жібереді. Сосын министрлік 1 жұмыс күні ішінде құжаттарды және азаматқа көмек көрсету туралы қорытындыны қарап, қаржылық көмек көрсету немесе бас тарту туралы хат жібереді.

Хат алғаннан кейін 1 жұмыс күні ішінде мекеме азаматпен несие шартын жасайды. Келісім бойынша азаматтың тамағы, жүріп-тұруы, киім және көлік ақысына төлем жіберіледі. Қарыз алушы республикалық бюджетке қарызын 30 күн ішінде өтеуі керек.

Егер өтініш қабылданбаған жағдайда консулдық қызметкер өтініш берушіге бас тарту себептері туралы хабарлама жібереді.

Қаржылай көмек мөлшері азаматтың қай елде екендігіне байланысты 50 АҚШ долларынан 1000 долларға дейін белгіленген.