Fransiya poytaxti Parij shahrida o‘tayotgan XVII Paralimpiya o‘yinlarida Sherzod Namozov oltin medalga sazovor bo’ldi.

Aniqroq aytadigan bo‘lsak, Sherzod Namozov para dzyudo bo‘yicha 60 kilogrammgacha vazn toifasida (J2) final bosqichida gruziyalik Zurab Zuraiani bilan bellashdi. Mazkur bahsda polvonimiz raqibidan ustun keldi va faoliyati davomidagi Paralimpiya o‘yinlarining ikkinchi oltinini qo‘lga kiritdi.

Mazkur natijadan so‘ng O‘zbekiston delegatsiyasi hisobidagi medallar soni 7 ta oltin, 5 ta kumush va 4 ta bronza jami 16 taga yetdi.

Javohir Toshxo‘jayev, O‘zA