Surxondaryo viloyatida referendum bugun nikoh to‘ylarini o‘tkazayotgan yosh kelin-kuyovlar uchun qo‘shaloq bayramga aylanmoqda.

Yangi oila qurayotgan yigit-qizlar o‘z hududlaridagi referendum uchastkalarida konstitutsiyaviy huquqlaridan foydalanib, xoxish-irodasini emin-erkin ifoda etmoqda.  

Sherobod tumanidagi Bog‘iobod mahallasida yashaydigan Farrux Qulmatov va Hayitgul Muhammadiyeva bugun yangi oila qurmoqda. Ular mahalladagi 107-referendum uchastkasiga kelib ovoz berdi.  

– Bugun hayotimizda unutilmas kun bo‘ldi,–deydi F.Qulmatov.– Obod va to‘kin hayotimizni belgilab berayotgan referendum kuni muqaddas oila qo‘rg‘onimizni barpo etyapmiz.  

Viloyatning olis va chekka hududlari aholisi ham referendumda faol ishtirok etmoqda.  

Xolmo‘min MAMATRAYIMOV, O‘zA