“Shaytanat” serialining 21-qismi qachon namoyish etilishi maʼlum qilindi
Ijtimoiy tarmoqlarda serialning 21-qismi namoyish etilmagani koʻplab munozaralarga sabab boʻlmoqda.
Ijtimoiy tarmoqlarda serialning 21-qismi namoyish etilmagani koʻplab munozaralarga sabab boʻlmoqda. Bu boʻyicha yolgʻon va uzun-quloq gaplar tarqagani ham bor gap.
Bu holatga Oʻzbekiston va Qoraqalpogʻiston Respublikasi xalq artisti Yodgor Saʼdiyevning ijtimoiy tarmoqdagi videomurojaati oydinlik kiritdi.
Unda “Shaytanat” serialining 21-qismi efirga uzatilishida hech qanaqa taqiq boʻlmagani, faqatgina filmning ozroq chala va texnik jihatdan qayta koʻrib chiqadigan tomoni borligi aytiladi. Kartina namoyishi esa karantin tugaganidan keyin Alisher Navoiy nomidagi kinosaroyda barcha ijodkorlar ishtirokida oʻtkazilishi rejalashtirilgani maʼlum qilingan.
Maʼlumot uchun, serialning davomida Nozim Toʻlaxoʻjayev, Ulugʻbek Qodirov va boshqa taniqli aktyorlar ham rol ijro etgan.