Президент Шавкат Мирзиёевтың төрағалығымен Қаршы қаласында өтіп жатқан жиында Шахрисабз әуежайында азаматтық авиацияның іске қосылатыны айтылды.

1 қаңтардан бастап Шахрисабз әуежайына жаңа ATR ұшақтарының рейстері ашылады, ал Самарқанд, Бұхара, Хорезм және Ферғана алқабында жергілікті рейстер көбейеді. Ташкент-Қаршы бағыты бойынша рейстер аптасына 2 реттен 7 ретке дейін өседі.

Нәтижесінде әуе билеттерінің бағасы 2 есеге арзандап, шетелдік және отандық туристер ағыны 3 есеге артады.

Шенеуніктерге «Тахтаорача» асуы арқылы өту талаптарын жеңілдету тапсырылды.

Келесі жылы «Тахтаорача» асуында жаңа туннель мен жол құрылысы жобасы басталады. Қытайлық инвесторлармен бірге Самарқанд пен Шахрисабзды байланыстыратын 30 шақырымдық жолды жөндеу жұмыстары басталмақ. 

Сондай-ақ, «Ғузор-Бұхара-Нөкіс-Бейнеу» жолының Қашқадария арқылы өтетін 100 шақырымдық бөлігін жөндеуге 122,5 миллион доллар тартылады.

Жалпы, келесі жылы шетелдік туристерді 500 мыңға жеткізу міндеті қойылды.