Сингапурда өтіп жатқан су спорты түрлері бойынша әлем чемпионаты аясында Халықаралық жүзу федерациясының (World Aquatics) кезекті конгресі өтті. Онда Өзбекстан Паралимпиада комитеті төрағасының орынбасары Шахноза Мирзиёева Халықаралық жүзу федерациясы бюросының мүшелігіне сайланды.

Конгреске Халықаралық олимпиада комитетінің президенті Кирсти Ковентри, ХОК-тың бұрынғы басшысы Томас Бах және Халықаралық жүзу федерациясының жетекшісі Хуссейн әл-Мусалам қатысып, 2026 жылғы жарыстар күнтізбесі бекітілді.

Дауыс беру нәтижесіне сәйкес, 2026 жылғы әлем чемпионаты Қытайда өтетіні жарияланды. Сонымен қатар, Халықаралық жүзу федерациясы бюросы мүшелерінің ұсынысы мен қолдауына сәйкес, келесі жылы Әлем кубогының кезеңдік жарыстарын Ташкент, Астана және Баку қалалары қабылдайтын болды.