Бугун, 9 июль куни Грузиянинг Батуми шаҳрида шахмат бўйича аёллар ўртасида давом этаётган FIDE жаҳон кубоги баҳсларининг 2-тур ўйинлари бошланади.

47 та мамлакатнинг 107 нафар энг кучли аёл гроссмейстерлари иштирок этаётган нуфузли турнирнинг кеча ўтказилган 1-тур тай-брек баҳсида ҳамюртимиз Умида Омонова франциялик Софи Миллиетни мағлубиятга учратиб, 2-турда қатнашиш имкониятига эга бўлди.

Бугун, 9 июль куни мукофот жамғармаси 676 минг 250 АҚШ долларидан иборат жаҳон кубогининг иккинчи босқичида Гулруҳбегим Тоҳиржонова хитойлик Лу Миаойи билан, Умида Омонова Европа чемпиони, польшалик Алина Калинская билан, Афруза Ҳамдамова ёшлар ўртасида икки карра жаҳон чемпиони, ҳиндистонлик Ҳампи Конеру билан куч синашади.

“Жаҳон кубоги-2025”нинг ғолиб ва совриндорлари 28 июлда аниқланади.

Тўлқин Рўзиев,

ЎзА