Халқаро шахмат федерацияси ноябрь ойининг янгиланган рейтингини эълон қилди. Мазкур рейтингдан дунёнинг энг кучли 100 нафар шахматчиси жой олди.

Улар қаторидан мамлакатимизнинг 4 нафар шахматчиси ҳам ўрин эгаллаган.  

Истеъдодли шахматчимиз Нодирбек Абдусатторов 2722 балл билан рейтингнинг 25-поғонасида бораётган бўлса, Жавоҳир Синдоров 2681 очкога эга бўлган ҳолда 49-ўринда, Рустам Қосимжонов 2643 балл билан 52-қаторда ва Нодирбек Ёқуббоев 2643 балл жамғарган тарзда кучли юзликда қайд этилган.  

ТОП-100 талик рўйхатни 2829 рейтинг очкосига эга нидерландиялик собиқ жаҳон чемпиони Магнус Карлсен бошқармоқда. Ундан кейинги ўринларни АҚШлик Фабиано Каруана(2795) ва хитойлик Лижин Дин эгаллаб турибди.  

Т.Рўзиев, ЎзА