Бугун, 12 ноябрь куни Ҳиндистоннинг Гоа шаҳрида шахмат бўйича давом этаётган жаҳон кубоги мусобақасининг 1/16 финал босқичи 2-тур учрашувлари бўлиб ўтади.

1/16 финал босқичи 2-тур ўйинларининг ортда қолган 1-турида ҳамюртларимиз Нодирбек Ёқуббоев ҳиндистонлик Венкатеш Пранав билан, Жавоҳир Синдоров хитойлик Ю Ян билан дурангга эришди.

Мукофот жамғармаси 2 миллион АҚШ долларидан иборат жаҳон кубогининг 2-турида ҳамюртларимиз рақибларига қарши дона суради. Ўйинларда муроса йўли танланган тақдирда эртага ўтказиладиган плей-офф баҳсларида ғолиблар аниқланади.

Эслатиб ўтамиз, 21 ноябрга қадар давом этадиган жаҳон кубогида совриндорликка эришган 3 нафар шахматчи 2026 йилги жаҳон чемпионатининг номзодлар мусобақасида қатнашиш ҳуқуқига эга чиқади.

Т.Рўзиев, ЎзА