Londonda an’anaviy tarzda o‘tkazib kelinadigan “London Chess Classic 2025” musobaqasida ishtirok etadigan shaxmatchilarning to‘liq ro‘yxati e’lon qilindi.

Turnirda Alireza Firuzja (Fransiya), Nodirbek Abdusattorov (O‘zbekiston), Pavel Elyanov (Ukraina), Sem Shenklend (AQSH), Nikita Vityugov (Angliya), Nikolas Teodoru (Gretsiya), Abximanyu Mishra (AQSH), Maykl Adams (Angliya), Gaveyn Jons (Angliya), Lyuk Maksheyn (Angliya) g‘oliblik uchun kurash olib borishi belgilandi.

9 ta turdan iborat bo‘lgan nufuzli musobaqa 26 noyabr - 7 dekabr kunlari bo‘lib o‘tadi.

T.Ro‘ziyev,

O‘zA