Шахмат: Жавоҳир Синдаров ҳоким кубоги соҳиби бўлди
Пойтахтимизда шахмат бўйича "Tashkent Open Hokim Cup" мусобақаси ўтказилди.
"Ҳилтон" меҳмонхонасида ташкил этилган баҳсларда профессионал эркаклар гуруҳида Жавоҳир Синдаров 1-ўринни эгаллаб, мусобақа низомида белгиланган 50 миллион сўм миқдоридаги мукофотга эга чиқди.
Профессионал шахматчи хотин-қизлар ўртасидаги баҳсларда эса омад Умида Омоновага насиб этди.
Ҳаваскор шахматчилар мусобақасида эркаклар ўртасида совринли ўринлар Шерали Равшанов, Марсель Шоюсупов ва Сид Усмон Шамсуддинга насиб этган бўлса, хотин-қизлар баҳсида Васила Абдужабборова, Руқия Олимова ҳамда Мумтозбегим Мансурова ғолиблик шоҳсупасига кўтарилди.
Т.Рўзиев, ЎзА