Ҳиндистоннинг Гоа шаҳрида дунё шахмат ишқибозлари эътиборида бўлган жаҳон кубогининг финал ва 3-ўрин учун ўтказилган дастлабки тур ўйинларида кутилган ва кутилмаган натижалар қайд этилди.

Финалда кураш олиб борган ҳамюртимиз Жавоҳир Синдоров илк партияда хитойлик Вей Ига қарши дона сурди.

Дунёнинг энг кучли гроссмейстерлари иштирокидаги илк ўйинда муроса йўли танланди. Энди шахматчилар бугун, 25 ноябрь куни ўтадиган 2-турда ғолиб номини аниқлаш учун рўбарў келади.

Жаҳон кубогининг учинчи ўрни ва номзодлар мусобақасининг ягона йўлланмаси учун кечган ўйинда Нодирбек Ёқуббоев Андрей Есипенкога имкониятни бой берди.

Финал баҳсининг натижаси ва 3-ўрин учун кураш олиб бораётган шахматчиларнинг кейинги имкониятлари қандай кўриниш олиши 25 ноябрь кунги мусобақалар сарҳисобига кўра аниқланади.

Т.Рўзиев, ЎзА