Shaxmat bo‘yicha reyting turniri yakunlandi
Respublika shaxmat federatsiyasi zalida bolalar o‘rtasida o‘tkazilayotgan shaxmat bo‘yicha reyting turniri yakunlandi. Unda 8 yoshdan 14 yoshgacha bo‘lgan 100 dan ziyod shaxmatchi ishtirok etdi.
Respublika shaxmat federatsiyasi zalida bolalar o‘rtasida o‘tkazilayotgan shaxmat bo‘yicha reyting turniri yakunlandi. Unda 8 yoshdan 14 yoshgacha bo‘lgan 100 dan ziyod shaxmatchi ishtirok etdi.
Musobaqada Olmos Rahmatullayev, Mubina Abulqosimova, Javohir Bozorov, Mumtozbegim Mansurova, Aqjo‘l Rahmatullayev, Mohinur Habibullayeva, Humoyun Bekmurodov shohsupaning yuqori pog‘onasidan joy egalladi.
Yuqori natija qayd etgan Olmos Rahmatullayev yetti turning oltitasida g‘alaba qozonib, bir o‘yinda durangga imzo chekdi. Olmos joriy yilning avgust oyida Moskvada bolalar o‘rtasida o‘tkaziladigan “Botvinnik kubogi”da ishtirok etish huquqini qo‘lga kiritdi. U bilan birga mazkur musobaqada Davron O‘rmonov, Mirfayz Sunnatov ham mamlakatimiz sharafini himoya qiladi.
Suratlarda: 1,6,7,11,13-musobaqadan lavhalar.
O‘zA fotomuxbiri Muhammad Amin