Yaponiyada o‘tayotgan akademik eshkak eshish bo‘yicha Osiyo saralash musobaqasida hamyurtlarimiz muvaffaqiyatli ishtirok etmoqda.

Xususan, O‘zbekiston davlat jismoniy tarbiya va sport universiteti “Suv sporti, eshkak eshish turlari nazariyasi va uslubiyati” kafedrasi o‘qituvchisi hamda magistratura ikkinchi bosqich talabasi, “Mard o‘g‘lon” davlat mukofoti sohibi Shaxboz Xolmirzayev "Tokio–2020" Olimpiya o‘yinlari yo‘llanmasini qo‘lga kiritdi.

Bu haqda O‘zbekiston davlat jismoniy tarbiya va sport universiteti matbuot xizmati xabar berdi.