Өзбекстан Республикасының Президенті Шавкат Мирзиёев Венгрия Премьер-министрі Виктор Орбанның шақыруына орай осы жылдың 19-20 тамыз күндері жұмыс сапарымен Будапешт қаласына барады.

Сапар бағдарламасына сәйкес Мемлекет басшысы Венгрия Премьер-Министрімен келіссөздер өткізеді, онда елдер арасындағы практикалық ынтымақтастық бағдарламалары мен жобаларын ілгерілету мәселелері талқыланады.

Өзбекстан Президенті құрметті қонақ ретінде Венгрияның мемлекеттік мерекесі – Әулие Иштван күніне арналған шараларға қатысады және Будапештте өтетін жеңіл атлетикадан ерлер арасындағы әлем чемпионатының жүгіруден финалдық кезеңіне барады.