Ташкент халықаралық инвестициялық форумы аясында Өзбекстан Республикасының Президенті Шавкат Мирзиёев Тәжікстан Республикасының Премьер-Министрі Қохир Расулзоданы қабылдады.

Кездесу басында Қохир Расулзода Мемлекет басшысына Тәжікстан Республикасының Президенті Эмомали Рахмонның сәлемі мен ізгі тілектерін жеткізді. 

Өзбекстан мен Тәжікстан арасындағы достық, тату көршілік, стратегиялық әріптестік және одақтастық қатынастарды жоғары деңгейдегі келісімдер аясында одан әрі нығайтудың өзекті мәселелері қаралды. 

Көпқырлы ынтымақтастықтың жоғары деңгейге жеткені атап өтілді. Тауар айналымы мен жүк тасымалы көлемі артып келеді, өнеркәсіп, энергетика, электр техникасы, тоқыма өнеркәсібі, ауыл шаруашылығы және басқа да басым салаларда кооперациялық жобалар жүзеге асырылуда.

Өңіраралық байланыстар мен мәдени-гуманитарлық алмасулар белсенді жолға қойылған. 

Серіктестіктің жаңа экономикалық күн тәртібін қалыптастыру, тауар айналымын ұлғайту бойынша тиімді шараларды әзірлеу, кооперациялық және шекара маңындағы әріптестік жобаларын ілгерілету маңызды екені атап өтілді.