Өзбекстан Республикасының Президенті Шавкат Мирзиёев 15 желтоқсан күні экономиканы дамыту, тиімді басқару және халықаралық ынтымақтастық жөніндегі кеңесшісі Сума Чакрабартимен кездесу өткізді.

Республикадағы әлеуметтік-экономикалық реформалар бағдарламасының тиімділігін арттыру шараларының барысы мен алдағы жоспарлар қаралды.

Инвестиция және бизнес ортаны жақсарту, шетелдегі жетекші компаниялар мен қаржы институттарын тарта отырып, экономиканың түрлі салаларындағы ірі жобаларды ілгерілету бойынша жүргізіліп жатқан жұмыстардың тиімділігін арттыруға ерекше назар аударылды.

Өзбекстанның Дүниежүзілік сауда ұйымына мүше болу барысы, халықаралық рейтингтердегі елдің позициясын көтеру мәселелері талқыланды.