Президент Шавкат Мирзиёев Қоқан университетінде жасалған жағдаймен танысты.

Министрлер Кабинетінің 2019 жыл 17 тамыздағы қаулысы негізінде құрылған бұл оқу орны 6 мың 400 орынға арналған. Оқу корпустары, 500 орындық 2 студенттер жатақханасы мен ақпараттық-кітапхана орталығында жастар үшін барлық жағдай жасалған. Студенттерге 233 профессор-оқытушы сабақ беруде.

Мұнда шетелдік жоғары оқу орындарымен тиімді ынтымақтастық жолға қойылған. Атап айтқанда, 80-ге жуық шетелдік жоғары оқу орындарымен келісім-шарт жасалған. Университет Түркітілдес елдер университеттері кеңесінің мүшесі саналады. Өткен оқу жылында Кеңестің білім гранттары негізінде Түркия, Әзірбайжан және Қазақстанда 22 мұғалім біліктілігін арттырды. Қоқан университетінде 15 шетелдік оқытушы біліктілігін арттырды.

Аймақта екі мың орындық жаңа алты қабатты оқу ғимараты салынуда. Мұнда оқу кабинеттері, ғылыми зертханалар, баспахана болады. Екі қабатты «Жастар ІТ Академиясы» да салынуда. Оларды осы жылдың қыркүйек айында пайдалануға беру жоспарланған.

2022 жылы университеттің туризм факультеті үшін мың орындық жаңа ғимарат салынған.

Мемлекет басшысы осы ұлттық нақыштағы кешенді аралап көрді. Шетелден профессорлар шақырып, дуальді оқыту жүйесін кеңінен қолдану, туристік ұйымдардың тапсырыстары негізінде студенттерді мақсатты түрде оқыту қажеттігі айтылды. Бұл салада теориялық және практикалық білімі жетілген кадрлардың жұмысын қамтамасыз етеді.

Осы жерде Ферғана туристік сақинасын құру тұжырымдамасы ұсынылды.

Өткен жылы Ферғанаға 430 мың шетелдік турист келген. Бірақ өлкенің тарихына үңілсеңіз, оның табиғатымен салыстырғанда бұл көрсеткіш аз.

Ферғана туристік сақинасының мақсаты – шетелдік және жергілікті туристердің өңірде болу мерзімін 3 күннен 7 күнге дейін ұзарту, келушілер санын екі есеге арттыру. Осы мақсатта «Ферғана», «Алтиариқ», «Қува», «Учкуприк» аудандарындағы аттракциондар туристік бағыттар қатарына қосылады. Жалпы осы сақинада 577 орын болып, 50-ден астам сауда және қызмет түрлері көрсетіледі.

Мемлекет басшысы университет жанындағы «Тепақорған» археологиялық ескерткішіне де барды.

Ескерткіш қаланың жасының анықталғаны және көне бекініс орнында орналасуымен маңызды. Яғни, бұл жер Қоқан қаласының ең көне іргетасы.

Біздің дәуіріміздің басында Қоқан үлкен қала ғана емес, шағын мемлекеттің астанасы болған. Бұған көптеген тарихи деректер бар. Бекініс тозығы жеткен соң бұл жер көп жылдар бойы зират болды. Мұнда көптеген ғалымдар, жазушылар, ұстаздар жерленген.

Бұл ескерткіш 2019 жылы материалдық мәдени мұра нысандарының республикалық тізіміне енген. 2022 жылы жүргізілген археологиялық қазба жұмыстарының нәтижесінде мемориалдық құрылымының іргетасы анықталған.

Мемлекет басшысы бұл археологиялық ескерткішті қайта қалпына келтіріп, консервация жасап, «ашық аспан астындағы мұражайға» айналдыру туралы бастама көтерді.

– Зиярат өзі сауапты іс. Бірақ ұлт тарихын зиярат ету одан да үлкен нығмет. Мұнда осындай жағдай жасау керек. Бұл адамдарға, әсіресе жастарымызға білім мен мақтаныш сыйлайды. Сондай-ақ шетелдік дереккөздерді зерттеп, бекініс туралы мәліметтерді байыту қажет, – деді Мемлекет басшысы.