28 маусымда Өзбекстан Республикасының Президенті Шавкат Мирзиёев пен Түркия Республикасының Президенті Режеп Тайып Ердоған телефон арқылы сөйлесті.

Мемлекет басшылары бір-бірін және бауырлас халықтарымызды қасиетті Құрбан айт мерекесімен құттықтап, бейбітшілік, бақ-береке, береке-бірлік тіледі.

Көпжақты ынтымақтастықты одан әрі кеңейту мен жан-жақты стратегиялық әріптестік қатынастарын нығайтудың өзекті мәселелері талқыланды.

Жоғары деңгейдегі келісімдерге сәйкес саяси, сауда-экономикалық, инвестициялық және мәдени-гуманитарлық салалардағы практикалық ынтымақтастық жоғары қарқынмен әрі тиімді бола түскені атап өтілді.

Өзбекстанда Түркияның жетекші компанияларының қатысуымен ірі инвестициялық жобалар белсенді түрде жүзеге асырылуда. Жыл басынан бері 100-ге жуық жаңа бірлескен кәсіпорын құрылды. 

Осы жылдың 1 шілдесінен бастап Жеңілдікті сауда туралы үкіметаралық келісімнің күшіне енуі өзара сауда көлемін одан әрі арттыруға қызмет етеді. Екі елдің қалалары арасындағы әуе қатынасы артуда.

Әңгімелесу барысында халықаралық және өңірлік күн тәртібіндегі өзекті мәселелер бойынша да пікір алмасылды.

Алдағы жоғары деңгейдегі іс-шаралардың жоспары қаралды. Өзбекстан-Түркия жоғары деңгейдегі стратегиялық ынтымақтастық кеңесінің кезекті отырысына күн тәртібін мұқият дайындаудың маңыздылығы атап өтілді.